Herbicidas non. Envío de mensaxes á Xunta e deputacións.

herbicidas NON

Chéganos unha acción impulsada polo Comando Ghichas e outros colectivos.
É unha proposta que podedes apoiar e difundir pesoalmente e dende as vosas organizacións.
Tratáse do envío masivo de mensaxes.
Aquí tedes proposta de texto e as direccións para facelo:

texto:
Desexo expresarlle a miña preocupación polo uso estendido de herbicidas como medio para o roce e “limpeza”das estradas, rúas e camiños nos diferentes concellos da nosa comunidade, moitas destras estradas teñen competencia autonómica polo que a responsabilidade do seu mantemento é da Xunta de Galicia.
Estes produtos produtos prexudican a nosa saúde e ao medio ambiente, como xa está demostrado, o que fai que estean a ser cuestionados en moitos países, ademais de facilitar os incendios xa que a herba seca arde facilmente.
O glifosato, principal compoñente, é un herbicida total non selectivo que se filtra no solo, é moi soluble na auga contaminando a terra e os acuíferos (polo tanto regos e pozos) e afectando ademais ao ciclo natural dos ecosistemas. Recentemente a  Organización Mundial da Saúde incluíu como probables carcinóxenos a unha serie de pesticidas organofosfatados, entre eles o glifosato.
Entre os seus efectos adversos  describíronse: toxicidade subaguda e crónica, danos xenéticos, trastornos reprodutivos, aumento da frecuencia de anomalías espermáticas, e carcinoses. Ademais, cada preparado herbicida que contén glifosato vén acompañado doutras substancias que facilitan a súa absorción e que multiplican a súa toxicidade. 
Solicito que se deixen de aplicar estes produtos químicos na nosa comunidade, instando as administracións competentes a rexeitar o seu uso, que é facilmente substituíble polo rozado mecánico ou outras alternativas. O coidado da terra, da auga, do medio e da nosa saúde é responsabilidade tamén das institucións que nos gobernan. Atentamente:  Nome, apelidos……………………… ————————————————————————-
PARA A XUNTA

Enviar via e-mail a:
Secretaria presidencial: secretaria.presidente@xunta.gal
Medio Rural. Ángeles Vázquez Mejuto: secretaria.cmr@xunta.gal
Conselleira de Medio Ambiente: Beatriz Mato Otero: gabinete.mot@xunta.gal
Para enviar á xunta de Galicia presidencia: Entrar no enlace http://www.xunta.gal/a-presidencia/contacta-co-presidente e cubrir o formulario de queixas.

PARA AS DEPUTACIÓNS

Según a provincia na que estedes:
Deputación de Pontevedra- Formulario de queixas: http://www.depo.es/formulario
Deputación de Ourense -Formulario: http://www.depourense.es/index.php/o-presidente-responde?view=form
Deputación de Lugo Formulario: http://www.deputacionlugo.org/portal_localweb_ag/p_20_contenedor1.jsp?seccion=buzonContacto.jsp&language=gl&layout=p_20_contenedor1.jsp&codAdirecto=13&codResi1
Deputación de A Coruña
Deputado de lnfraestruturas Viarias, Vias e Obras provinciais e Medio Ambiente: José Manuel Pequeño Castro. josemanuel.pequeno@dacoruna.gal

 

#LibresdeGlifosato. Chuvia de mocións para paralizar o uso de Glifosato en espazos públicos.

A acción #LibresDeGlifosato consiste en presentar mocións nos concellos para paralizar o uso de herbicidas con glifosato en todo tipo de lugares públicos.
É  unha campaña lanzada dende a paraugas fumigacionsNON.org 

 

Que é o glifosato?
O glifosato  é un composto que aparece en moitas marcas comerciais de herbicidas que  se están a usar de forma bastante común en lugares públicos para  realizar tarefas de mantemento, limpeza de malas herbas e prevención de  incendios.
infografiaWEBgalego
Detectouse glifosato no aire, a chuvia e mesmo nos nosos corpos. É moi soluble en auga e persistente no chan. Contamina os acuíferos, é tóxico para a fauna acuática, os  animais domésticos ou o gando, e esparéxese sen control polo subsolo.
Existen estudos científicos que relacionan o uso do glifosato con afeccións e enfermidades. Entre os efectos adversos deste principio activo describíronse toxicidade subaguda e crónica, danos xenéticos, trastornos reprodutivos, aumento da frecuencia de anomalías  espermáticas, e carcinogénesis.
Ademais, cada preparado de herbicida que contén glifosato  vén acompañado doutras substancias que facilitan a súa absorción e que  multiplican a súa toxicidade. Entre estes ingredientes están o N-nitroso glifosato que, como outros compostos nitroxenados, é canceríxeno, e o formaldehido, outro carcinóxeno coñecido que se forma durante a descomposición do glifosato.
Recentemente a International Agency for Research on Cancer pertencente á Organización Mundial da Saúde incluíu como probables carcinóxeno a unha serie de pesticidas organofosfatados, entre eles o glifosato: http://monographs.iarc.fr/ENG/Classification/
+ información e artigos sobre o glifosato en https://titanpad.com/glifosatoINFO
Países veciños como Francia estudan prohibir a súa venda a particulares.
Este herbicida non selectivo de amplio espectro deixouse de usar en moitos municipios do estado español.
En Galicia, Concellos como Ames, na Coruña, ou Ponteareas, declaráronse Libres de  herbicidas químicos; e outros como Marín, Poio, ou Arzua xa aprobaron esta moción.
Cidades como Madrid, Barcelona, Badalona, Sevilla, Logroño ou Zaragoza aprobaron recentemente deixar de usar glifosato.
No MAPA #LibresDeGlifosato pódense ver todos os Concellos onde se presentaron e aprobaron mocións.

Ti tamén podes pedir ao teu concello que deixe de usar glifosato en espazos públicos.
Descarga o documento MOCIÓN.pdf

manual galego

libresdeglifosato@gmail.com

#LibresDeGlifosato.

Paremos as fumigacións co herbicida glifosato en Galiza

Desde a Plataforma contra as fumigacións e por un futuro sen praguicidas queremos apoiar e contribuír a espallar a campaña dunha das organizacións que forman parte da nosa plataforma, ADEGA, contra as fumigacións que con glifosato se están a realizar este verán por rúas, estradas e cunetas de todo o país. Infórmate, colabora e denuncia!

perigoglifosatoEn ADEGA, preocúpanos a intensidade con que este ano teñen fumigado con herbicidas ducias de estradas para rozar o mato. Estas fumigacións realízanse frecuentemente con glifosato, un potente herbicida tóxico para o ambiente e para a saúde das persoas.

A razón de rozar con métodos químicos é unicamente económica: Cuns litros de glifosato e un único operario “rózanse” ducias de quilómetros ao día. Afórrase deste xeito, contratar a unha brigada para facer o rozado mediante métodos mecánicos, a cambio de deitar no medio milleiros de litros de veleno. Acontece ademais que o rozado químico, alén de supoñer un perigo para o ambiente e a saúde, non elimina o risco de lumes: Ao contrario, a presenza do mato seco a carón das estradas é un factor de risco engadido. Nalgúns casos chégase até o absurdo de fumigar primeiro e rozar mecanivamente despois: Por que non facelo só con métodos mecánicos?

Para visualizar a dimensión deste grave problema propoñémosvos que colaboredes con ADEGA. Para iso, só tendes que acudir a unha destas vías fumigadas, facer unha foto co cartaz que vos achegamos e enviala a ADEGA. Que como recoñecer as zonas nas que se aplicou o herbicida? Pois abonda con fixarse nas bermas das estradas e ver se a vexetación fica semorecida ou seca, mentres que noutras zonas está aínda verde. Non é difícil: estradas do Estado, a Xunta, Deputacións e concellos teñen sido fumigadas a eito, polo que non teredes problema en atopalas. Con todos os cromos recibidos, elaboraremos un álbum público e un dossier, que xunto a nota de prensa e un escrito de denuncia remitiremos en nome de ADEGA aos medios, ás administracións competentes e á Fiscalía Ambiental.

Pedímosvos a vosa colaboración para localizar e identificar aquelas zonas fumigadas, especialmente as que supoñen un risco inmediato de contaminación para a saúde e o ambiente: Preto de cursos de auga, leiras de cultivo, pastos, zonas habitadas… Só tedes que facer unha foto da zona co cartaz impreso e colocado sobre un pau ou calquera outro soporte.

PAREMOS O ENVELENAMENTO DO NOSO MEDIO!

DEFENDAMOS A NOSA SAÚDE!

Prohibicións dos praguicidas neonicotinoides na Unión Europea: Unha vitoria colectiva

Nova vitoria das abellas contra os praguicidasO pasado día 29 de abril, en segunda votación, os países da Unión Europea, por unha maioría de 15 votos, aprobaron establecer unha prohibición dos pesticidas sistémicos neurotóxicos (neonicotinoides) durante dous anos e a partir do día 31 de decembro de 2013.

As moléculas imidaclropride, clotianidina e tiometoxam, fabricadas polas multinacionais Bayer (alemana) e Syngenta (suíza), causantes dunha grande desaparición de abellas en todo o mundo (entre un 30 e un 40% anual) estarán prohibidas en sementes e noutros cultivos. Ainda que a prohibición ten que ser total e para sempre, sen embargo, consideramos un paso adiante moi importante e sobre todo é o recoñecemento dos nosos gobernantes da catrástrofe causada e a punto de ser irreversible.

As abellas estiveron sufrindo este problema desde o ano 1994, pero o resto dos polinizadores tamén estiveron sendo aniquilados silenciosamente, os científicos foron testemuñas do alarmante declive da biodiversidade e a produción de alimentos púxose en grave risco. Só a concienciación social e a loita conxunta de organizacións de apicultores, grupos ecoloxistas, algúns sindicatos e organización varias foron capaces de facer reflexionar aos nosos representantes políticos. Máis de 50 organizacións sociais loitaron contra a utilización desde o ar de praguicidas contra o gonipterus dos eucaliptos na Galiza, durante o ano 2012. Máis dun cento de organizacións de todo o estado español conseguimos que España votara a favor desta moratoria e no futuro haberá que estar moi atentos xa que o inimigo é moi potente.
Según o Parlamento europeo, o 80% das plantas con flores son polinizadas polas abellas e polo tanto as únicas capaces de asegurar a súa supervivencia; tamén di este informe que o 84% das plantas cultivadas precisan das abellas para ser produtivas e finalmente que o 76% da nosa cesta de alimentos esixe abellas nos nosos campos. Podemos importar mel pero non a polinización.

Na Galiza, desaparecen anualmente uns 30.000 exames por este problema: en 18 anos o sector apícola perdeu máis de 55 millóns de euros, pero a sociedade no seu conxunto perdeu máis de mil millóns de euros según a valoración que se fai do efecto polinizador.

Nas Provincias de A Coruña, Pontevedra e certas partes de Lugo desapareceu sobre o 60% dos abelleiros e das abellas que había en Galiza no ano 1995. Isto coincide coas áreas dos eucaliptos, millo forraxeiro e cultivos hortícolas intensivos que é onde máis se usan estes praguicidas.

“Se faltasen as abellas aos humanos quedaríannos catro anos de vida” é unha frase atribuída a Albert Einstein. O que si é certo é que sen polinizadores as plantas con flores tenderían a desaparecer e serían sustituídas por outras que non precisan polinización, como resultado teríamos un triste mundo monocor verde (o que os científicos bautizaron como desertos verdes) e a maioría do alimentos que hoxe consumimos tampouco existirían. A vida tal como a coñecemos hoxe non sería viable. Se cadra por iso as abellas foron declaradas en 2008 a especie máis importante do planeta.

Os monocultivos traen consigo as pragas e a continuación aparece a necesidade de usar estes praguicidas que aniquilan aos polinizadores, polo tanto estamos diante dun modelo insostible, só podemos paliar estes problemas coa promoción dunha política agroforestal compatible cos principios da agroecoloxía, coa sostibilidade e rotación de cultivos e coa prohibición total dos praguicidas neonicotinoides que están pondo o vida na biosfera ao límite.

Pola prohibición dos praguicidas tóxicos para as abellas en toda a Unión Europea

LA SOCIEDAD CIVIL PIDE A ARIAS CAÑETE QUE MANTENGA SU POSTURA A FAVOR DE LA PROHIBICIÓN DE LOS PLAGUICIDAS TÓXICOS PARA LAS ABEJAS

abellas-union-europea-bees-pesticidesEl próximo día 29 de abril se votará la propuesta de la Comisión Europea para prohibir tres neonicotinoides tóxicos para las abejas

El pasado día 15 de marzo, se votó en el Comité Permanente de la Cadena Alimentaria y Sanidad Animal la propuesta de la Comisión Europea para prohibir tres plaguicidas neonicotinoides tóxicos para las abejas. España fue uno de los 13 países de la UE que respaldaron esta propuesta. Sin embargo, aunque la mayoría de los países votaron a favor no se alcanzó la mayoría cualificada necesaria para aprobar la propuesta. Por este motivo, el próximo día 29 de abril se votará de nuevo en el Comité de Apelación.

La sociedad civil, representada por cerca de 100 entidades, desde asociaciones apícolas, organizaciones agrarias, de consumidores, ecologistas o sindicales, felicita al Ministro Arias Cañete por el apoyo que dio a la propuesta de la Comisión Europea para prohibir tres neonicotinoides (imidacloprid, clotianidina y tiametoxam) que se demostró eran tóxicos para las abejas (http://www.efsa.europa.eu/en/press/news/130116.htm) y le pide que en la próxima votación en el Comité de Apelación mantenga su firme apoyo a esta propuesta.

La propuesta de la Comisión Europea es un primer y fundamental paso para proteger a las abejas y otros polinizadores, a los ecosistemas y a la agricultura. Solo en Europa, el 84% de los cultivos y el 80% de la flora silvestre depende de la polinización, un servicio ecológico gratuito que supone solo para la agricultura europea unos 22.000 millones de euros anuales y a nivel mundial unos 265.000 millones de euros. Su valor para los ecosistemas es imposible de cuantificar económicamente.

España (que posee la mayor cabaña apícola, es el mayor productor de miel y polen y el exponente máximo de la agricultura ecológica de Europa) debería liderar la salvaguarda de las abejas.

Las abejas y los polinizadores en general han proporcionado durante milenios su servicio vital sin pedir nada a cambio. Ha llegado el momento de que la acción decidida de los dirigentes políticos europeos muestre nuestra gratitud. En gran medida, el futuro de la humanidad depende de las abejas y resto de polinizadores.

Entidades firmantes:

Abella Lupa; ADEGA (Asociación para a Defensa Ecolóxica de Galiza); ADENEX; AEDERCO; Agrupación de Defensa Sanitaria Apícola apiADS, Comunitat Valenciana; Almocafre, Sociedad Cooperativa Andaluza de Consumo Ecológico; Amigos de la Tierra; APISCAM (Asociación de Apicultores de la Comunidad de Madrid); ARBA Extremadura; ARBATMJ; ASABIM Asociación de agricultores biológicos de la Región de Murcia; Asociación “Véspera de Nada por unha Galiza sen petróleo”; Asociación ACER, Agroecología para la Conservación del Entorno Rural; Asociación ambiental El Enjambre sin Reina; Asociación Ambiental Laguna de los Tollos; Asociación Cantabra de Apicultores; Asociación Criadores Oveya Xalda Asturiana; Asociación Cultural Gamonal Vetón; Asociación Española de Apicultores; Asociación Galega de Apicultura (AGA); Asociacion Jara; ASOCIACION MEDIOAMBIENTAL SOM NATURA; Asociación Natura 2000; Asociación para la Defensa de los Recursos Naturales de Cantabria (ARCA); Asociación para la Rehabilitación de Pueblos Abandonados de España (ARPAE); Asociación Pola Defensa da Ría de Pontevedra (APDR); Asociación Profesional de Apicultores Extremeños (APAEX); Asociación Profesional de Apicultores Leoneses (APAL); Asociación RedMontañas; Asociación Reforesta; Asociación Siempreviva; Asociación Valenciana de Ingeniería Sin Fronteras; ASOCIACIÓN VALOR ECOLOGICO; Associació Cultural El Mussol; Associació de Productors d’ Agricultura Ecològica de Menorca (APAEM); Associació de Solidaritat amb els Pobles Indígenes de Llatinoamèrica; AXENA; Bee Garden; BRINZAL; Ca Revolta; CIFAES-Universidad Rural Paulo Freire Tierra de Campos; Confederación Española de Consumidores y Usuarios ? CECU; Confederación en Defensa de la Abeja en la Cornisa Cantábrica; Confederación General del Trabajo (CGT); Confederación Sindical de Comisiones Obreras (CC.OO.); CONSEJO DE AGRICULTURA Y ALIMENTACION ECOLOGICA DE EUSKADI; Cooperativa REPLA S.C.A.; Coordinadora Anti Privatización de la Sanidad; DEPANA; ECODES; Ecologistas en Acción; Ecovalle; Federación de Asociaciones de Apicultores de Cantabria; Fet en l’Horta; Foro Asturias Sostenible; FUHEM Ecosocial; Fundación Amigos de las Abejas; Fundación Global Nature; Fundación Oso Pardo (FOP); Fundación para la Cooperación APY – Solidaridad en Acción; Fundación Vivo Sano; GEPEC-EdC Grup d’Estudi i Protecció dels Ecosistemes Catalans – Ecologistes de Catalunya; Gipuzkoako Erlezain Elkartea (Asociación de Apicultores de Gipuzkoa); Granja Ecológica La Peira; GREENPEACE España; GRUPO NATURALISTA HÁBITAT; L’Alficòs; La Fertilidad de la Tierra; La Ruda amics de Can Deu per a l’agricultura ecològica; La Unió de Llauradors i Ramaders del Pais Valencià; La Verde S.C.A.; Mujeres de Lebrija Contra la Violencia de Género. Foro Social de Lebrija; Pensando el Territorio; Plataforma contra as fumigacións e por un futuro sen praguicidas; PLATAFORMA RURAL; RED ANDALUZA DE SEMILLAS “CULTIVANDO BIODIVERSIDAD”; RED DE SEMILLAS “RESEMBRANDO E INTERCAMBIANDO”; Red de Semillas de Cantabria; REVERDE SCA; Sabinares de Arlanza; Salva la Selva; Salvia; SEAE – Sociedad Española de Agricultura Ecológica; SEO/Birdlife; Sindicato Labrego Galego; Sindicato USO Toledo; Slow Food Valencia; SOCIALINNOVA; Sol y Tierra teatro; SOS POLINIZADORES; Territorios Vivos; The Ecologist; Tuapitur; UNIO DE PAGESOS DE MENORCA; Universidad Rural Paulo Freire Sierra de Huelva; Veterinarios Sin Fronteras (VSF); WWF España; Xarxa Consum Gandia

Festa e reivindicación no Día da Abella en Arzúa

Acompañados por un tempo despexado —que polo que comentan non é habitual na Festa do Queixo en Arzúa— celebramos no local da Asociación Galega de Apicultores no Centro do Queixo e do Mel, unha xornada festiva para celebrarmos a vitoria das abellas (e de todo o resto de seres que vivimos grazas ao seu incansable labor de polinización) fronte aos demenciais plans de fumigar centos de milleiros de hectares co praguicida tóxido flufenoxurón (nome comercial: Cascade).

As actividades comezaron ás 10 da mañá con obradoiros onde os nenos e nenas asistentes puideron fabricar as súas propias candeas con cera de abella ao tempo que se ofrecían degustacións de mel e queixo, e se puideron visitar as instalacións. A mañá tivo un colofón emotivo e vibrante coa música de Mini e Mero, as palabras reivindicativas da incansable loita a prol das abellas de Xesús Asorei, e as voces de Séchu Sende e Luz Fandiño que recitaron pasaxes das súas obras relacionados coas abellas e a loita social.

Durante o acto e nos momentos previos tamén se puideron ler nun ordenador ubicado no local e en páxinas impresas, numerosas mensaxes de apoio e saúdo tanto das recibidas nos momentos álxidos da loita social para determos as fumigacións con flufenoxurón, como referidas á propia festa que se celebraba. Así puideron estar connosco moitas persoas que por razóns de distancia non puideron acompañarnos fisicamente.

Momentos antes nunha xuntanza aberta da Plataforma contra as fumigacións, avanzouse de maneira importante na consolidación desta rede de colectivos galegos, que agora pasará a denominarse Por un futuro sen praguicidas (pois pesticidas é un anglicismo incorrecto xa que pest debe traducirse por praga en galego) e que terá a partir de agora responsables para diveras áreas de funcionamento e actuación. Nela falamos da loita mantida ata o de agora contra o praguicida que ameazaba de maneira masiva e inminente un punto crítico dos nosos ecosistemas, como son as abellas, e tamén da loita aínda en marcha por defender estes animais —os máis importantes do planeta— así como a sostibilidade da nosa agricultura en xeral, das ameazas tóxicas aínda presentes ao noso redor.

Agradecemos desde a Plataforma a asistencia ao público que desde diversos puntos de Galiza se desprazou ata Arzúa para desfrutar deste acto e ás organizacións participantes nesta xuntanza que marca o comezo dunha nova etapa na loita contra os biocidas no noso país.

En breve procederemos a reflectir as mudanzas desta nova etapa no noso web.

A continuación ofrecemos algunhas fotos do acto, tomadas polos membros da AGA:

Mini e Mero

Luz Fandiño con Mini e Mero

Público asistente ao Día da Abella

Luz Fandiño con Mini e Mero

[ACTUALIZACIÓN 07/03/2013] Engadimos máis fotos, esta vez tomadas pola xente da Casa do Mel, de As Pontes:

Día da Abella (Arzúa, 3 de marzo de 2013)

Xesús Asorey nos actos do Día da Abella (3 de marzo de 2013)

Público asistente aos actos do Día da Abella (3 de marzo de 2013)

Mini e Mero nos actos do Día da Abella (Arzúa, 3 de marzo de 2013)

Mini e Mero nos actos do Día da Abella (Arzúa, 3 de marzo de 2013)

Séchu Sende nos actos do Día da Abella (Arzúa, 3 de marzo de 2013)

#DiaDaAbella: O 3 de marzo celebraremos en Arzúa a vitoria das abellas sobre o praguicida «Cascade»

A Plataforma contra as fumigacións e por un futuro sen praguicidas ten o pracer de convidarvos a unha xornada festivo-reivindicativa cadrando coa Festa do Queixo do día 3 de marzo en Arzúa.

Celebraremos que as abellas galegas se libraron do praguicida tóxico Cascade (flufenoxurón) grazas ao apoio de cen mil persoas concienciadas e o labor da nosa Plataforma. Pero como aínda quedan outros velenos que ameazan as as abellas e os nosos ecosistemas, temos que continuar a loita na súa defensa… na nosa defensa! E este acto servirá tamén para consolidar a Plataforma, coñecer a moitas das persoas que apoiastes a loita contra o flufenoxurón a través de Internet e analizar as outras loitas aínda precisas.

O Día da Abella #DiaDaAbella

Lugar:

Centro do Queixo e do mel. Feira Nova (Arzúa). [Ver ónde está no OpenStreet Map]

Onde está o Centro do Queixo e do Mel, en Arzúa

Programa de actividades

A partir das 10:00 h:

  • Degustacións.
    Durante a xornada, haberá degustacións comentadas dos diferentes meles de Galicia, acompañados polo queixo de Arzúa.
  • Obradoiro de candeas para nenos e nenas.
    Teremos obradoiros de candeas de cera de abella nos que cada participante fará a súa propia candea e levará como recordo da visita ó Centro do Queixo e do Mel.

12:30-13:30 h: Voces polas abellas

Durante a xornada —que será aberta ao público— a nosa Plataforma tamén celebrará unha xuntanza de traballo (ás 11 h).

Agradecemos a difusión que deste acto poidades realizar tanto nas redes sociais de Internet como imprimindo e colocando o cartaz nos locais aos que teñades acceso.

Esperámosvos!

Cartaces para difusión

Cartaz A3

Día da Abella (#DiaDaAbella) 3 de marzo

Cartaz A4

Día da Abella (#DiaDaAbella) 3 de marzo

Cartaz para webs

Día da Abella (#DiaDaAbella) 3 de marzo

Urxente: Paremos os praguicidas tamén en Europa!

Defendamos as abellas na UE!Mañá día 31 de xaneiro poden darse pasos decisivos na Unión Europea para prohibir os praguicidas de tipo neonicotinoide que se probaron moi daniños para as abellas. Despois da vitoria en Galiza contra o flufenoxurón, a guerra por salvarmos as abellas continúa en Europa. Participa de urxencia nestas dúas campañas online que queren erguer a voz da xente para que as autoridades europeas protexan definitivamente as abellas desta letal ameaza!

Grazas.

Entrevista na Radio Galega sobre as fumigacións e a campaña que logrou case cen mil apoios en Internet para impedilas

Unha vez que o Cascade ficou proibido e uns meses despois de que a Xunta finalmente accedera a desautorizar a súa masiva fumigación sobre centos de milleiros de hectares no noso país, a radio pública galega deu antonte mércores a voz esta loita dentro dunha entrevista acerca da plataforma Change.org que fora a utilizada para recoller as case cen mil sinaturas contra o delirante plan das papeleiras.

Aquí pódese escoitar a intervención de Casdeiro, promotor daquela recollida de sinaturas que precedera á creación da nosa Plataforma:

A presión social consegue que a Xunta desautorice as fumigacións aéreas co pesticida Cascade

VITORIA!!! Detivemos as fumigacións asasinas!!Dabamos conta neste mesmo blog hai uns días da comunicación que nos enviara o Valedor do Pobo, achegándonos unha información que a Xunta de Galicia agochara. Onte enviamos aos medios galegos a seguinte o seguinte comunicado de prensa avaliando esa información, que demostra que a Plataforma logrou o seu obxectivo e que o sentido común (e a Lei) impuxéronse sobre os intereses económicos por tras destas perigosas fumigacións.

(Traducción al castellano, más abajo.)

Seguir lendo