Mapas das fumigacións aéreas previstas en Galiza co pesticida catalogado como tóxico pola Unión Europea

A partir dos mapas divulgados a semana pasada por ADEGA, vimos de realizar un gráfico onde se pode apreciar mellor o alcance das fumigacións aéreas planificadas por ASPAPEL coa colaboración da Xunta e outras entidades. Sobre os círculos de 8 Km de diámetro que aparecían nos mapas da empresa que planificou as fumigacións marcamos áreas difusas de dispersión para recoller graficamente os datos que publicacións como a do doutor Jorge Kaczewer da Universidade de Bos Aires (Uso de agroquímicos nas fumigacións periurbanas e o seu efecto nocivo sobre a saúde humana), que alertan de que ao empregarse medios aéreos os pesticidas poden esparexerse a quilómetros de distancia dos puntos de fumigación.

Este mapa non recolle a dispersión que se poida producir polos fluxos de auga superficial ou soterrada, nin pola mobilidade dos animais contaminados, que obviamente poderán levar o flufenoxurón a moita máis distancia: lembremos que é un pesticida moi bioacumulable, é dicir, que permanecerá nos tecidos dos animais durante longo tempo acumulándose ao longo da cadea trófica.

É preciso que todos/as os/as galegos/as reaccionemos diante desta barbaridade sen precedentes, sobre todo aqueles que viven nas aldeas e vilas directamente afectadas, porque non soamente están en perigo as abellas, os peixes, os paxaros insectívoros, os morcegos, e moitos outros animais das zonas afectadas senón que a nosa saúde e a viabilidade da nosa agricultura están en grave perigo. Non quedes parada/o e reacciona! Trasmite esta información a canta xente poidas, para que poidamos deter estes plans ecocidas! Grazas!

Mapa das fumigación con flufenoxurón (Cascade) que teñen previsto realizar en media Galicia

Abrumada pola presión dos internautas, a Xunta de Galicia retira de Facebook a súa propia comunicación sobre as fumigacións

Repasemos os feitos:

Capa promovendo a ciberacción sobre a páxina da Xunta en FacebookTarde do pasado venres 4 de maio: Unha ciberacción posta en marcha coa colaboración de Actuable, dispara unha avalancha de protestas na páxina oficial da Xunta en Facebook, ademais de botar a Twitter milleiros de mensaxes coas etiquetas #fumigacionsNON e #queremosAbellas.

Tarde do sábado 5 de maio: Os administradores da devandita páxina da Xunta en Facebook comezan borrar mensaxes deixadas polos usuarios como comentarios ao pé de todas as últimas novas presentes na páxina, ademais de na sección Recomendaciones.

A nota publicada o domingo a toda présa pola Xunta en Facebook, e que máis tarde retiraríanDomingo 6 de maio: A ciberacción continúa e por cada mensaxe que censuran os administradores, os usuarios que apoian a protesta contra as fumigacións deixan unha morea máis. Finalmente vense obrigados desde a Xunta, precipitadamente, a publicar unha nota tentando torpemente desmentir a toxicidade ou perigosidade das fumigacións, e que se limita a reproducir resumidamente as declaracións do Secretario Xeral de Montes, Tomás Fernández-Couto, no Parlamento de Galicia o xoves día 3.

Luns 7 de maio: Os apoios recollidos por medio de Actuable chegan contra ás 12 da noite, a cifras de 80.000 sinaturas (e outras tantas mensaxes aos responsables de ASPAPEL e da Xunta). Os administradores da páxina da Xunta en Facebook, seguramente abrumados diante dos centos de mensaxes que se acumularan protestando pola súa nota e teimando en contra das fumigacións, deciden eliminar a nota con todas as mensaxes de protesta.

Nós queremos reproducir ao final deste texto esa patética nota xunto cos centos de mensaxes que puidemos capturar unhas horas antes de que a Xunta ordeara silencialos de vez (AVISO: A imaxe ocupa máis de 3 MBytes, así que a páxina pode tardar en cargarche).

Coidamos que a presión social na Rede está a superar a capacidade da Xunta de responder a ela, debido aos falsos argumentos con que tenta xustificar a súa colaboración e autorización ás fumigacións aéreas de pesticida tóxico planificadas polas papeleiras. Isto fainos confiar en que a masiva resposta cidadá obrigará a rectificar á administración do PP, que sen argumentos e coa lei e a ciencia en contra, e posto en escandalosa evidencia pola documentación revelada por ADEGA, non terá máis remedio que cancelar as previstas fumigacións e apostar por outros métodos moito menos agresivos co medio, coa fauna e coa saúde da poboación do país.

As fumigacións previstas son un escándalo imposible de xustificar, e a maneira como está tentando reaccionar a Xunta á contestacion social, é un escándalo máis que se produce diante dos ollos de toda Galiza e de toda España para vergonza dos que nos desgobernan.

Só lle queda unha saída á Xunta de Galicia: recuperar a sensatez e cancelar inmediatamente as fumigacións para cumpriren así as Directivas europeas e para protexeren a saúde da poboación, a fauna e a flora do país, e os sectores da apicultura e da agricultura galegas.

Captura das mensaxes de protesta ao pé da nota emitida de urxencia pola Xunta sobre as fumigacións

[Comunicado de prensa] A protesta contra as fumigacións medra en Internet e chega aos Parlamentos Galego e Europeo

A protesta polas fumigacións con Cascade recibiu xa de mais de 64.000 apoios en Internet e chega ás institucións europeas a través da eurodeputada nacionalista Ana Miranda, quen trasladou as denuncias da Plataforma contra as Fumigacións.

O Parlamento de Galicia tamén se fai eco das nosas denuncias, obrigando a responder ao secretario xeral de Montes e Medio Rural.

Agora sabemos as zonas previstas para ser fumigadas, e inclúen espazos protexidos, ríos e vilas.

A Plataforma contra as Fumigacións ven informando a toda a cidadanía desde o mes de abril das intencións da Xunta de Galiza, nomeadamente das Consellerías de Medioambiente e de Medio Rural, de fumigar os eucaliptais galegos cunha substancia tóxica cuxa fabricación e venda foron prohibidas pola normativa comunitaria a partir deste ano. Segundo o Regulamento da Comisión Europea nº942/2011, se concede aos Estados membros ata finais de 2012 para que sexa retirada do mercado o biocida flufenoxuron que, segundo denunciamos, é o principio activo do pesticida que pretende ser usado pola Asociación Española de Fabricantes de Pasta, Papel e Cartón (ASPAPEL) para fumigar mediante helicópteros centos de milleiros de hectares de monte por toda Galiza. Sabemos que a fumigación con produtos que conteñan esa substancia tería consecuencias catastróficas para a cabana apícola galega, que ten un papel clave como elemento polinizador no ecosistema en xeral e na agricultura en particular, e que xa se veu reducida nun 50% nos últimos 4 anos polo uso deste e outros pesticidas, entre outros problemas.

Interpelación parlamentar dirixida á Comisión Europea presentada pola eurodeputada nacionalista, Ana Miranda

Con todos estes datos, a eurodeputada nacionalista Ana Miranda trasladou esta situación ao Executivo da UE mediante interpelación parlamentar, preguntando á Comisión polas medidas que ten previsto adoptar para garantir o cumprimento da normativa comunitaria, nun tema directamente relacionado coa saúde alimentar e coa protección de especies vitais para a preservación do medioambiente, tendo en conta ademais que as fumigacións áreas tamén están prohibidas pola Unión Europea desde 2011, sempre que a loita contra unha praga forestal se poida facer por outros medios. Esta iniciativa non é a primeira, xa que continúa a serie de iniciativas apresentadas o ano pasado sobre o uso de pesticidas e a conseguinte mortandade producida nas abellas. Por iso, solicitouse á Comisión Europea que vele polo cumprimento da lexislación comunitaria, en particular naqueles casos en que as autoridades locais, como a Xunta de Galiza, actúa en contra desa normativa con graves consecuencias no ecosistema, na saúde das persoas e en sectores produtivos como a apicultura e a agricultura e na destrución de emprego e actividade económica.

Mentiras do secretario xeral de Montes e Medio Rural da Xunta

A pesar de todo isto, o pasado xoves o secretario xeral de Montes e Medio Rural da Xunta, Tomás Fernández-Couto afirmou no Parlamento de Galicia que o plaguicida que será utilizado nos próximos meses para fumigar zonas forestais de eucalipto afectadas pola praga «no es tóxico». Seica non leu nin a etiqueta do produto, porque alí mesmo veñen as advertencias de toxicidade ben clariñas, tal e como correxiu a deputada Tereixa Paz, que lle lembrou que este pesticida da firma alemana BASF indica na súa etiqueta que é «altamente tóxico para as abellas» e outras especies. Ademais, recalcou que «ten efectos negativos non só sobre o medio ambiente, o aire e a agua, senón un importante impacto económico para algúns sectores», entre os que citou a apicultura. A isto engadimos desde a Plataforma contra as Fumigacións que a propia folla informativa oficial do produto recoñece que pode ter efectos moi negativos sobre os ríos e ecosistemas acuáticos en xeral, e que debe evitarse que penetre no solo, augas superficiais ou subterráneas. Milleiros de galegas e galegos viven en aldeas e vilas de Galiza, ou mesmo cidades, que son abastecidas con augas que a Xunta non vé problema en contaminar gravemente desde o aire.

Descaradamente artéllase desde a Xunta unha nova manobra que denunciamos diante da cidadanía, xa que anuncian un retraso na operación: agora nos din que as fumigacións se realizarían de agosto a decembro, se cadra para tentar diluir no tempo a presión social que tan axiña medrou desque se deron a coñecer os plans de «fumigación inmediata» desde diversos actores implicados nas fumigacións. Isto confírmanos ainda máis que se queren librar do stock deste produto antes de que sexa definitivamente retirado do mercado. Pensan que poden lavar as mans, dicindo que a «administración autonómica se limita a autorizar a fumigación aérea mediante helicópteros», pero que «ni ha financiando ni promovido el tratamiento», e engade ademais que está «financiada por empresas del sector» madereiro, sen ningún tipo de escrúpulo. O significado disto é ben claro: a Xunta failles o traballo suxo ás grandes empresas químicas e madereiras, ao tempo que afirma que non ten responsabilidade en tan grave asunto: as que teñen o dereito de regar media Galiza con substancias tóxicas son as empresas, e eles non teñen nada que dicir.

Na súa intervención tamén quedou patente que non ía responder as incisivas preguntas da deputada do BNG Tereixa Paz sobre os motivos da prohibición da Unión Europea de comercializar ese producto a partir de agosto y de distribuilo desde o mes de decembro, se é que tan inocuo e amplamente utilizado é, como tentaba torpemente xustificar o secretario xeral.

Mapa das fumigacions con cascade previstas por ASPAPEL co consentimento da XUNTA

As zonas propostas por ASPAPEL para desenvolver as fumigacións dos eucaliptais co tóxico Flufenoxuron inclúen zonas nas provincias da Coruña (40 localizacións), Pontevedra (28 sitios) e Lugo (1 área).  Na documentación cartográfica, elaborada pola empresa Fitoaragón S.L., indícanse 69 áreas de 8 km de diámetro cada unha (un total de case 350.000 ha, fronte ás apenas 10.000 que recoñece a Xunta), denominadas na documentación zonas de tratamento químico. Nelas localízanse as masas de eucaliptos máis densas e con maior afectación do gorgullo, mais tamén inclúen lugares habitados, cursos fluviais e mesmo espazos da Rede Natura 2000.

Concluimos que se o único que pode facer a Xunta é desautorizar esta fumigación, que o faga de inmediato: é a súa responsabilidade. Esiximos desde a Plataforma que prohiban a fumigación aérea deste veneno.

Pedimos máis ca nunca a todos os cidadáns e propietarios dos nosos montes, e aos veciños en xeral, que se unan a esta loita, e que reclamen as autoridades competentes dunha vez por todas, a prohibición total de uso, comercialización e distribución de todos os agrotóxicos, que a día de hoxe son tan perxudiciais para as nosas abellas, o noso medio, e en consecuencia a nosa saúde e á nosa capacidade de producir alimentos.

A Xunta continúa tentando calar a protesta contra as fumigacións en Facebook

Unha das moitas capturas da ciberprotesta en Facebook contra as fumigacións avaladas pola Xunta de GaliciaMoitas das mensaxes que enviaron os usuarios de Facebook foron onte borradas polos administradores da páxina da Xunta nesta rede social. E aínda hoxe continúan a aparecer novas mensaxes de indignación pedindo que se cancelen as fumigacións previstas e a Xunta continúa a borralas.

Grazas á propia colaboración dos internautas esas mensaxes non se perden de todo. Hoxe ofrecémosvos un par de animacións (en formato GIF) que nos fixeron chegar incluíndo 24 horas de protesta en Facebook, en concreto as que utilizan a sección de Recomendacións na propia páxina da Xunta. As mensaxes non aparecen completas pero ben serve de mostra do nivel que está a acadar a protesta contra estas fumigacións na Rede.

  1. Ver primeira parte da animación (1,2 MBytes): Protesta en Facebook contra as fumigacións avaladas pola Xunta de Galicia.
  2. Ver segunda parte da animación (4,2 MBytes): Protesta en Facebook contra as fumigacións avaladas pola Xunta de Galicia.

Dispoñemos tamén de numerosas capturas de mensaxes tomadas en diversos momentos desta fin de semana de ciberloita contra as fumigacións, como a que acompaña esta noticia. Se tes ti outras capturas fáinolas chegar e irémolas publicando. Grazas!

A Xunta tenta silenciar o clamor popular de protesta polas fumigacións borrando centos de mensaxes recibidas na súa páxina de Facebook

Como resultado da nova ciberacción de protesta posta en marcha coa colaboración de Actuable, o muro de Facebook oficial da Xunta de Galicia comezou encherse onte pola tarde de mensaxes de protesta chegados desde Galiza, España, e outros países incluídos moitos da nosa diáspora.

Portada que difunde a ciberacción en Facebook

Esta tarde, case 24 h despois, os administradores desta páxina comezaron eliminar algunhas destas mensaxes que estas persoas en solidariedade coas demandas desta Plataforma deixaban ao pé das diversas noticias oficiais da páxina. Así e todo outras moitas permanecen aínda na sección Recomendaciones (3.051 á hora que publicamos esta nota), e seguen a aparecer novas mensaxes ao pé das noticias de onde borraran previamente outras mensaxes.

Este acto de censura demostra ser inútil ante a avalancha de xente que protesta indignada pola autorización da Xunta ás fumigacións previstas en case 350.000 ha da nosa terra, tal e como sabemos agora grazas aos mapas filtrados da empresa Fitoaragón, e polas mentiras descaradas do único responsable do goberno galego que deu a cara ata o de agora.

É inútil porque moitas desas mensaxes quedaron rexistradas nunha captura que fixo un usuario á 1 da madrugada do sábado 5 de maio. Loxicamente faltan moitas que foron deixando outros usuarios do Facebook no trascurso do sábado, pero é unha mostra suficiente da indignación popular ante estes asasinos plans.

Namentras, a protesta continúa tamén en Twitter cos lemas #fumigacionsNON + #queremosAbellas.

ADEGA revela os mapas das fumigacións previstas: ASPAPEL e Xunta planexan fumigar sobre espazos protexidos, ríos e vilas

Onte ADEGA, entidade membro da Plataforma contra as Fumigacións, fixo públicos uns mapas coas ubicacións das fumigacións previstas por ASPAPEL e a Xunta, coa colaboración da Asociación Forestal e outros axente. Iremos actualizando con esta importante información revelada por ADEGA o noso mapa de alertas, pero namentres reproducimos a nota de ADEGA coas imaxes que eles fixeron públicas, incluindo as ligazóns aos mapas orixinais:

Fumigacions-PontevedraADEGA vén de coñecer as zonas propostas por ASPAPEL para desenvolver as fumigacións dos eucaliptais co tóxico Flufenoxuron nas provincias da Coruña (40 localizacións), Pontevedra (28 sitios) e Lugo (1 área).  Na documentación cartográfica, elaborada pola empresa Fitoaragón S.L., indícanse 69 áreas de 8 km de diámetro cada unha, denominadas “zonas de tratamento químico”. Nelas localízanse as masas de eucaliptos máis densas e con maior afectación do gorgullo, mais tamén inclúen lugares habitados, cursos fluviais e mesmo espazos da Rede Natura 2000. Dada a toxicidade do principio activo e a enorme dispersión dos métodos aéreos, persoas, animais e mesmo biodiversidade ameazada estarán expostas ao veleno. ADEGA advirte á Xunta de que podería estar sendo cómplice, de seguir “avalando” estas prácticas, dun delicto contra a saúde das persoas e o medio ambiente.

Fumigacions-CorunhaUn importante número das áreas nas que están proxectadas as fumigacións inclúen territorio da Rede Natura 2000 no que están presentes, entre outras, especies protexidas de insectos a cuxa conservación obriga a Directiva 92/43 CEE e que tamén se verán afectados polo tóxico. Por exemplo, a bolboreta Euphydryas aurinia e o escarabello Lucanus cervus (vacaloura) están consideradas de interese comunitario e figuran no Anexo II da Directiva de Hábitats.

A maiores, as poboacións do lepidóptero Zerynthia rumina, considerada en perigo de extinción e do coleóptero Cerambyx cerdo (capricornio das aciñeiras, o escarabello máis grande de Galiza), vulnerábel, poderían sufrir os efectos das fumigacións. E alén dos insectos protexidos, tamén as aves insectívoras e os morcegos, entre outros, acusarían os efectos do veleno. FumigaPantinAtendendo á Lei 42/2007 do Patrimonio Natural e da Biodiversidade e á Lei 9/2001 de Conservación da Natureza calquera dano a estas especies podería ser constitutivo dunha falta moi grave e mesmo dun delicto penal, coa agravante de ser a propia administración quen o cometería.

Tivo en conta a Xunta a presenza destas especies protexidas, ameazadas e en perigo de extinción nas parcelas fumigadas, incluidas ou próximas a espazos protexidos? Considerou a Xunta os riscos das fumigacións sobre a saúde das persoas e a calidade dos recursos hídricos, dada a presenza nas “zonas de tratamento” de núcleos de poboación e cursos fluviais? Cal é a opinión da D. X. de Conservación da Natureza, da D. X. de Saúde Pública e de Augas de Galiza polo que atinxe ao envelenamento da auga?

A escandalosa submisión ao lobby do eucalipto que amosou a administración galega, corroborada por unha política forestal hiperpermisiva coas pasteiras e os seus intereses (Lei de Montes, Orde dos cultivos enerxéticos), non pode xustificar o envelenamento deliberado das persoas e o medio ambiente.

Miles de galegos ‘saen’ en defensa das abellas a través das redes sociais

Noticia publicada o venres 04/05/2012 por El Progreso:

Máis de 37.000 persoas apoiaron unha petición en Actuable que pide a ASAPEL (Asociación Española de Fabricantes de Pasta, Papel e Cartón) e ás Consellerias de Medio Rural e de Medio Ambiente que reconsideren o plan para fumigar máis de 100.000 hectáreas de eucaliptais ante unha praga de insectos. Durante o proceso usarase un tóxico insecticida que será vetado en toda a Unión Europea en menos de catro meses.

Segundo a petición, o plan de fumigación, autorizado pola Xunta de Galicia e algúns concellos, terá graves consecuencias para a flora e a fauna galega. Concretamente sinálase o risco para a supervivencia das abellas, especialmente sensibles ao uso deste tipo de pesticidas.

En poucos días, a petición rexistrou un gran crecemento. Cada vez que a petición é asinada, un correo electrónico envíase a ASPAPEL e ás Consellerias da Xunta de Galicia. Nas últimas horas, ademais, centos de usuarios acudiron á páxina da Xunta de Galicia en Facebook para mostrar a súa desconformidade coa autorización de fumigación.

O texto da petición sinala que “a Asociación Galega de Apicultura deu a voz de alarma e solicitou a suspensión das fumigaciones interpondo unha denuncia ante a Fiscalía de Medio Ambiente xunto con outras organizacións unidas baixo a Plataforma contra as Fumigacións.”

A plataforma subliña que as abellas son vitais para a fecundación de numerosas plantas, entre elas aquelas destinadas á alimentación humana. A súa desaparición “provocaría o colapso da agricultura e a apicultura en Galicia, e condenaría os galegos á dependencia alimentaria do exterior de xeito indefinido”.

Unha Directiva europea prohibe ademais fumigar desde o aire cando existen outros métodos. Segundo o texto da petición “Existen métodos moito menos agresivos para acabar co insecto que afecta os eucaliptos, por iso é difícil entender por que o empeño en usar este tóxico produto cando existen outras alternativas”.

“Actuable é unha plataforma aberta que serve precisamente para isto: permitir que calquera persoa, en calquera lugar, poida iniciar peticións sobre os temas que máis lle preocupan” afirma Francisco Polo, fundador e director de Actuable. “Esta petición conseguiu un gran apoio e miles de persoas están a pedir dar marcha atrás nese plan de fumigación” engade.

Por qué son falsas as informacións dadas pola Xunta de Galicia con respecto á suposta «non toxicidade» do Cascade

Os seguintes datos desminten as informacións subministradas hoxe polo secretario xeral de Montes da Xunta de Galicia ao respecto do insecticida que teñen previsto botar sobre as plantacións de eucalipto de Galiza:

Imaxe do folleto do Cascade1º) A empresa BASF (fabricante do flufenoxurón baixo o nome comercial Cascade) fornece a seguinte información nas follas de seguridade (de libre acceso ao público). Indícase na páxina 1 de BASF Ficha de Datos de Seguridad según Reglamento CE Nº 1907/2006. Fecha / actualizada el: 18.06.2010

Polo tanto, non corrixiron a información tras a publicación do Reglamento da UE de 22 de setembro de 2011.

Deste modo non se incorpora a información seguinte do Reglamento:

páxina 14: “Durante la evaluación de esta sustancia activa se detectaron problemas. En particular, los que figuran a continuación. No se pudo finalizar la evaluación del riesgo para los consumidores porque la exposición de los consumidores no pudo evaluarse de manera fiable, en particular en lo que respecta a la magnitud y a la relevancia toxicológica de diversos metabolitos. Además, el flufenoxurón tiene un alto potencial de bioacumulación en la cadena alimentaria. Por otra parte, se detectó un elevado riesgo para los organismos acuáticos”

Na mesma páxina: “…pese a los argumentos presentados por el solicitante, no pudieron eliminarse los problemas a que se refiere el considerando 7. Por consiguiente, no ha quedado demostrado que pueda esperarse que, en las condiciones de uso propuestas, los productos fitosanitarios que contienen flufenoxurón satisfagan en general los requisitos establecidos en el artículo 5, apartado 1, letras a) y b), de la Directiva 91/414/CEE.”

Esta última directiva á que se fai referencia pode verse en:
http://eur-lex.europa.eu/LexUriServ/LexUriServ.do?uri=OJ:L:1991:230:0001:0032:ES:PDF

O artículo 5, apartado 1, letras a e b, onde se indican los requisitos a seguir para que o produto fitosanitario sexa admitido, di:

“1. A la luz de los actuales conocimientos científicos y técnicos, una sustancia activa se incluirá en el Anexo I por un período inicial no superior a diez años, cuando quepa esperar que los productos fitosanitarios que contegan dicha sustancia activa cumplen las siguientes condiciones:

a) que sus residuos resultantes de una aplicación conforme a las buenas prácticas fitosanitarias no tengan efectos nocivos para la salud humana o animal ni para las aguas subterráneas, ni repercusiones inaceptables para el medio ambiente, y en la medida en que tengan relevancia toxicológica o medioambiental, pueden medirse con métodos generalmente aceptados;

b) que su utilización resultante de una aplicación con arreglo a las buenas prácticas de protección vegetal no tenga efectos nocivos para la salud humana o animal ni repercusiones inaceptables para el medio ambiente, según lo establecido en los puntos iv) y v) de la letra b) del apartado 1 del artículo 4.”

Dito de outro modo, o Regulamento da UE, establece que o flufenoxurón non ten garantías suficientes para afirmar que non teñan efectos nocivos para saúde humana, animal, augas subterráneas ou medio ambiente.

2º) Nesas mesmas follas informativas do produto Cascade admítese:

páxina 1: “Muy tóxico para los organismos acuáticos, puede provocar a largo plazo efectos negativos en el medio ambiente acuático”

páxina 3: “Medidas de protección para el medio ambiente: Evitar que el producto penetre en el suelo/subsuelo. Evitar que penetre en el alcantarillado, aguas superficiales o subterráneas.”

A Xunta contradí a propia etiqueta do pesticida e a normativa europea e afirma que «non é tóxico»

Esta foi a nova que trasmitiu hoxe a axencia EFE:

La Xunta asegura que el plaguicida para fumigar eucaliptos «no es tóxico»

Está previsto realizar esta operación de fumigación entre agosto y diciembre de este año

El plaguicida que será utilizado en los próximos meses para fumigar zonas forestales de eucalipto afectadas por la plaga del gorgojo «no es tóxico», afirmó hoy en el Parlamento de Galicia el secretario general de Montes y Medio Rural de la Xunta, Tomás Fernández-Couto.

El representante del Gobierno gallego indicó en comisión parlamentaria que la operación prevista entre agosto y diciembre próximos «no es una fumigación masiva» y que el producto utilizado no requiere «ningún tipo de autorización especial» porque es legal, dijo.

Fernández-Couto respondió así a una pregunta del BNG sobre este tema, después de que una asociación denominada Plataforma contra las Fumigaciones denunciara recientemente ante los juzgados de la capital gallega la intención de utilizar flufenoxuron, un pesticida considerado altamente tóxico en una amplia zona alrededor de la comarca coruñesa de Melide.

Autorización de la fumigación aérea mediante helicóptero

El representante de la Xunta indicó que la Administración autonómica se ha limitado a autorizar la fumigación aérea mediante helicóptero, pero «ni ha financiando ni promovido el tratamiento», ya que precisó que está «financiada por empresas del sector» maderero.

Reconoció que ningún producto químico es inocuo, pero subrayó que el que se aplicará en una zona de «unas 10.000 hectáreas» es un «insecticida fisiológico» contra las plagas y «no neurotóxico», utilizado comúnmente para el tratamiento de diversos tipos de plantaciones de verduras y frutas, que puede ser comprado en establecimientos especializados.

El representante de la Xunta eludió, sin embargo, responder a las insistentes preguntas de la diputada del BNG Tereixa Paz sobre la prohibición de la Unión Europea de comercializar ese producto a partir de agosto y de distribuirlo desde el mes de diciembre.

Fernández-Couto se limitó a indicar que hay un problema de «caducidad» y subrayó que es «el único producto químico para el tratamiento» de esa plaga que afecta al eucalipto gallego.

También apuntó que ha sido utilizado en los últimos años para fumigar «más de 12.000 hectáreas de robledo» en el sur de la provincia de Lugo y en la de Ourense.

Críticas de los nacionalistas

La diputada del BNG precisó que el producto en cuestión, denominado Cascade, es de la firma alemana Basf, leyó la información toxicológica que pone en su etiqueta y concluyó que la «prohibición expresa de la UE» es debida a que es «altamente tóxico».

«Tiene efectos negativos no solo sobre el medio ambiente y la salubridad del aire y del agua, sino un importante impacto económico para algunos sectores», entre los que citó la apicultura.

Paz precisó que como consecuencia de la fumigación de robledo en la comarca de Monterrey con ese mismo producto ha habido en los últimos años una «desaparición» de aproximadamente el «70% de las colmenas».

El representante de la Xunta dijo que «no tiene clara esa relación» y, si bien no negó un posible descenso de la población de abejas, apostilló: «No creo que esté relacionado con este tipo de tratamiento».

Paz argumentó además que la operación ha generado «contestación social» por parte de los sectores agrícola, medioambiental o sanitario, y reprochó a la Xunta un afán de «prohibir las movilizaciones» y de «intentar acallar a los que no están de acuerdo» con esa iniciativa.

Asimismo, cuestionó la falta de «estudios» sobre el impacto que puede tener esa fumigación, preguntó si no hay otras «alternativas», y advirtió de que el citado producto químico deja en situación de riesgo a «muchas especies de flora y fauna», y «pone en peligro a los gallegos».

(NOTA: As ligazóns para ampliar información non viñan na noticia orixinal.)

PD: Publicamos unha información de urxencia para desmentir ao Secretario Xeral de Montes.)

[Vídeo] Foliada informativa en Melide

A Delegación do Goberno prohibiu unha manifestación en Melide na que se ían denunciar as fumigacións con flufenoxuron, un pesticida que será ilegal a partir de agosto pola súa alta toxicidade e perigosidade.

Así e todo, persoas pertencentes ou simpatizantes das organizacións membros da Plataforma contra as Fumigacións achegáronse á vila melidense para informar, dun xeito festivo e personalizado, a cantas xentes quixeron saber máis desta ameaza que se lles vén enriba, e que non foron poucas, xa que ese día —29 de abril de 2012— se celebraba a Foliada e o mercado feira.

No vídeo podedes ver algunhas tomas do que deu de sí este feirear informativo…