Fai que o teu concello se mova contra as fumigacións

Desde a Plataforma contras as fumigacións queremos informar a todos os concellos e queremos tamén que se posicionen en defensa dos seus veciños e veciñas, prantándolle cara á patronal do papel e á Xunta de Galicia.

Queremos extender a todos os concellos galegos unha proposta que xa tivo éxito nalgúns concellos coma Ribadeo, Oleiros, Narón ou Vilaboa, que se posicionan contra as fumigacións, na defensa da seguridade da súa comunidade, do seu medio e por unha política forestal máis respectuosa e sustentable.

A nosa acción require da vosa colaboración para entregar en todos os concellos, de xeito coordinado, unha moción para que sexa debatida no próximo pleno do voso concello, en contra das fumigacións con Cascade.

Trátase de entregar dous documentos, que poñemos á vosa disposición, no rexistro do voso concello, á atención da alcaldía do mesmo, e procurar facer un seguimento do que se discuta no pleno.

Resultados das mocións presentadas

KML-LogoFullscreen-LogoQR-code-logoGeoJSON-LogoGeoRSS-LogoWikitude-Logo
Mapa Acción-Moción

cargando mapa - por favor, espere...

Moción Valdoviño: 43.605753, -8.144302
Mocion Melide: 42.913818, -8.015556
Moción Santiso: 42.856840, -8.042336
Moción Toques: 42.943606, -7.968864
Moción Marín: 42.391009, -8.702545
Moción Ribadeo: 43.538096, -7.049103
Moción Narón: 43.507725, -8.187561
Moción Vilaboa: 42.347000, -8.650188
Moción Tui: 42.046743, -8.644867
Moción Ares: 43.424999, -8.246613
Moción Redondela: 42.287977, -8.608818
Moción Mondoñedo: 43.428739, -7.364445
Moción Oleiros: 43.332920, -8.348236
Moción Ames: 42.907909, -8.617401
Moción Irixoa: 43.284641, -8.066111
Moción Paderne: 43.286078, -8.172112

Os documentos

A Moción: Este documento contén unha exposición da problemática das fumigacións con flufenoxurón e unha explicacións dos motivos polos que nos posicionamos en contra dos mesmos. Finalmente insta ao concello a facer unha declaración institucional onde adopta os seguintes acordos:

  • Non permitir as fumigacións aéreas con Cascade no seu término municipal
  • Instar á Xunta a que non autorice as fumigacións
  • Fomentar unha xestión forestal sostible

Os diferentes grupos políticos deben ser informados desta moción e por iniciativa dalgún deles podería ser discutida no pleno. Por isto é importante que, se podedes contactar con representantes dalgún partido político con representación no pleno lles informedes desta campaña, solicitando o seu apoio á moción.

A instancia: A instancia é un documento que achegamos á moción cando o entregamos no rexistro do concello para informar de que estamos a entregar unha moción que queremos que sexa trasladada aos diferentes grupos políticos no governo municipal.

Manual: como entregar a moción no teu concello

  • Descarga os modelos de instancia e moción
  • Cubre os datos da instancia e da moción cos teus datos e cos do teu concello e imprime os documentos
  • Diríxete ao teu concello e fai entrega, no rexistro, dos dous documentos: instancia + moción
  • Consulta e toma nota da data de celebración do próximo pleno
  • Pregunta como podes informarte do resultado do próximo pleno
  • Contacta cos grupos políticos e busca o compromiso dalgún deles para propoñer e apoiar a moción
  • Informa a través da web da Plataforma da entrega da documentación (podes facelo con un comentario nesta entrada)

Planificación da acción

Até o día 20 de xullo buscaranse voluntarios e voluntarias que queiran colaborar entregando mocións nos seus concellos ou nos das súas proximidades. Na seguinte semana, a partir do día 23, realizarase a entrega das mocións.

Documentos

Fumigacións de fincas agrarias: “efectos colaterais”

Desde o Sindicato Labrego Galego chéganos un comunicado de prensa sobre o impacto das fumigacións contra o gorgullo en fincas agrarias próximas aos eucaliptais.

Reproducimos íntegro o contido da nota de prensa:

Indignación no lugar de Painceira, en Cerdido, polo impacto tóxico das fumigacións en fincas agrarias lindeiras cos eucaliptais sulfatados

A veciñanza do lugar de Painceira, parroquia de Barqueira, no coruñés concello de Cerdido, está indignada ao ser sulfatadas as súas fincas agrarias como efecto colateral das fumigacións con canóns en plantíos de eucaliptos lindeiros. As condicións meteorolóxicas de hoxe, con vento intenso, fixeron que os pesticidas se esparexesen por prados nos que se cultiva herba que está a piques de ser recollida e por leiras de patacas. O máis grave é que este pesticida altamente tóxico puido chegar até as casas habitadas da zona.

Aínda que non o puidemos confirmar, o máis probable é que estas fumigacións, que en Cerdido están a ser feitas por unha empresa portuguesa, se inclúan dentro da campaña de erradicación do gorgullo do eucalipto co insecticida Cascade, que ten por principio activo o Flufenoxuron, e cuxa comercialización será prohibida o 1 de agosto en toda a Unión Europea pola súa perigosidade. O Flufenoxuron está considerado como altamente tóxico para as persoas, a fauna (especialmente as abellas) e o medio ambiente (especialmente os cursos de auga), razóns polas que non poderá ser empregado máis alá do 31 de decembro. A pesar disto, a Xunta e a Asociación Española de Fabricantes de Pasta, Papel e Cartón (ASPAPEL) pretenden levar a cabo unha campaña de fumigacións aéreas con este produto, que recoñece, na súa propia ficha técnica, ser tóxico para as larvas das abellas, co que iso supón, non so para as colmeas, senón para a agricultura e a natureza en xeral, polo papel fundamental destes insectos nos procesos de polinización.

Dende o Sindicato Labrego Galego esiximos, tanto á Xunta como aos concellos afectados, que ordenen o cese inmediato de toda esta campaña de fumigacións que, como no caso de Painceira, está a afectar de xeito directo non só ao medio ambiente polo impacto tóxico do Flufenoxuron, senón que tamén se están vendo seriamente afectadas as actividades agrogandeiras da zona e mesmo as persoas que viven nas inmediacións.

 

 

Palestra sobre as fumigacións en Ferrol

Cartaz Palestra FerrolEste venres, 15 de xuño, ás 20,00h, no Museo da Sociedade Galega de Historia Natural de Ferrol celebrarase unha Palestra sobre as Fumigacións.

Contarase coa participación de Andrés Lamas Seco (biólogo) , Segundo Ruiz Lemos (Técnico Forestal) e Manuel Ferreira Rodríguez (Abelleiro).

Narón di NON ás fumigacións

Outro concello ven de sumarse á lista dos concellos que rexeitan as fumigacións. O alcalde de Narón, José Manuel Blanco, dirixiuse ás consellerías de Medio Rural e de Sanidade instando á paralización das campañas de fumigacións, facendo fincapé na toxicidade do produto para os insectos polinizadores e á introdución do pesticida na cadea alimentaria.

Podes ler a nova na Voz:

Narón solicita a la Xunta la paralización de la fumigación de eucaliptos

El alcalde alerta a Medio Rural y Sanidade de los riegos para la «salud pública»
El alcalde de Narón, José Manuel Blanco, ha instado a la Xunta a la paralización de las campañas de fumigación sobre los montes de eucalipto por los «riesgos» que supone para la «salud pública». Sigue lendo

Carta de INTERMIEL á Conselleira de Medio Rural

O pasado 30 de maio a Organización Interprofesional do Mel de dos Produtos Apícolas (INTERMIEL), de ámbito estatal, que se posiciona contraria ás fumigacións, remitiu unha carta á Conselleira do Medio Rural Rosa Quintana para comunicar o seu desacordo e solicitar a paralización do plan das fumigacións.

A continuación reproducimos a carta íntegramente:

A/A.: Sra. Dña. Rosa Quintana Carballo
Consejera do Medio Rural e do Mar
Xunta de Galicia

Madrid, 30 de mayo de 2012

Estimada Sra. Consejera,
Desde la Organización Interprofesional de la Miel y los Productos Apícolas (INTERMIEL), ue representa el 89,47 % del sector productor (ASAJA, COAG, UPA y Cooperativas Agro-alimentarias) y el 74,96 % de la comercialización (ASEMIEL y Cooperativas Agro-alimentarias), queremos hacerle llegar este comunicado debido a un tema que preocupa al sector apícola nacional y con mayor incidencia en el gallego, que a continuación le exponemos. Sigue lendo

A manifestación contra as fumigacións, nos medios galegos e españois

Manifestación contra as fumigacións con Cascade (Flufenoxurón) en GaliciaA manifestación do pasado domingo, convocada pola Plataforma contra as fumigacións, mereceu a atención de varios medios de comunicación galegos e españois. A continuación, ofrecemos un resume destas noticias:

[Comunicado de prensa] Centos de persoas amosan en Compostela o seu rexeitamento ás fumigacións con Flufenoxuron e piden unha Galiza sen pesticidas

Manifestación Compostela - Fumigacións NONVarios centos de persoas secundaron onte, 10 de xuño, a manifestación convocada pola Plataforma contra as Fumigacións-Por unha Galiza sen pesticidas en Compostela, para protestar contra a intención da patronal pasteira de combater a praga do gorgullo do eucalipto con fumigacións por toda Galiza, utilizando medios aéreos, e cun pesticida que será prohibido este ano en toda a Unión Europea: o Cascade (do fabricante Basf) que ten por principio activo o flufenoxuron.

Manifestación Compostela - Fumigacións NONEste pesticida está catalogado como daniño pola Unión Europea e a súa venda estará prohibida a partir do 1 de agosto pola súa toxicidade sobre a fauna (especialmente as abellas) e o medio ambiente, razóns polas que non poderá ser empregado máis alá do 31 de decembro. A pesar disto, a Xunta e a Asociación Española de Fabricantes de Pasta, Papel e Cartón (ASPAPEL) pretenden levar a cabo unha campaña de fumigacións aéreas con este produto, que recoñece, na súa propia ficha técnica, ser tóxico para as larvas das abellas, co que iso supón, non so para as colmeas, senón para a agricultura e a natureza en xeral, polo papel fundamental destes insectos nos procesos de polinización.

Tras partir da Alameda ás 12:00 horas, a manifestación discorreu pola rúa da Senra, prazas Galicia e Toural e rúa do Vilar, para rematar na praza das Praterías. Alí, o portavoz da Plataforma contra as Fumigacións, Xesús Asorey, leu o seguinte manifesto:

A “PLATAFORMA CONTRA AS FUMIGACIÓNS. POR UN FUTURO SEN PESTICIDAS”queremos poñer en coñecemento da cidadanía que:

– A patronal pasteira, ASPAPEL, coa colaboración da transnacional química BASF, e a conivencia da Xunta pretenden fumigar mediante medios aéreos cun produto altamente tóxico os eucaliptais galegos afectados pola praga do gorgullo (Gonipterus scutellatus).

– Estes pesticidas xunto con outros sistémicos (agrotóxicos) están detrás da progresiva desaparición das abellas galegas, nos lugares onde máis se usan estes pesticidas desapareceron até o 80% das colmeas. Máis de 30.000 colmeas desaparecen todolos anos na Galiza. Esto convertese nun grave problema xa que as abellas cumpren unha función vital nos ecosistemas, como principal vector polinizador.

O sector apícola forma parte integrante da agricultura galega. Proporciona ingresos primarios ou complementarios a máis de 4.000 familias en toda Galiza.

Presta uns servizos vitais a agricultura a través da polinización e contribúe ao mantemento da biodiversidade. Calcúlase que un 84% das especies vexetais e un 76 % da produción alimentaria dependen da polinización por parte das abellas, cuxo valor económico é moito maior que o valor do mel producido e ascende a uns 15.0000 millóns de euros anuais na UE.

A apicultura tamén presta un servizo importante aos ecosistemas a través da polinización, que contribúe a mellora da biodiversidade ao manter a diversidade xenética das plantas e o equilibrio ecolóxico.

Por añadidura, a apicultura forma parte do património agrícola galego e das nosas tradicións.

Cal é a especie máis valiosa do planeta? Son as abellas, según quedou plasmado nunha reunión de prestixiosos científicos de todo o mundo, en Londres no ano 2008

Se as abellas desaparecesen, como os científicos veñen alertando desde fai anos, a supervivencia da nosa especie (e moitas outras) veríase seriamente comprometida; mesmo Albert Einstein advirtiu no seu momento de que a supervivencia da especie humana dependía das abellas.

– A fumigación con medios aéreos, provoca que até o 60% dos agrotóxicos dispersados caian fóra do seu obxectivo e se expandan a quilómetros de distancia do punto de fumigación. Deste xeito, o agrotóxico pode afectar e chegar a espazos naturais , a fincas veciñas con cultivos (derramando a produción ecolóxica se existira), as zonas habitadas debido a gran dispersión da poboacíon galega, e tamén afectaría a auga que bebemos. Alén do perigo para nosa saúde e a dos nosos nenos, xa que é nociva para os que son alimentados con leite materno.

– Xunto a aplicación masiva deste agrotóxico,vai incluído un tratamento biolóxico cunha avispa australiana (Anaphes nitens). Este veleno, o “Cascade”, matará tamén á Anaphes e a todo artrópodo nun radio de quilómetros, pólo que sería absurdo e contradictorio fumigar a masa forestal de eucaliptos con produtos químicos a vez que se está tratando coa avespa. Tratamentos biolóxicos que se veñen aplicando dende fai anos, e que segundo as propias fontes da Xunta de Galicia , continúan na actualidade, polo tanto tirando os cartos e acabando co traballo realizado.

– Ademais disto, debe tomarse en consideración que o produto empregado, o Flufenoxuron, é un insecticida que se atopa en período de moratoria e vai desaparecer do mercado polos efectos nocivos que ten sobre a saúde e o medio.O período de graza concedido pola Comisión Europea para ser retiradas as súas existencias remata o 31 de decembro de 2012. Dende a Xunta de Galicia non se fai mención a esta cuestión polo que nos fai sospeitar que está dacordo con estas industrias interesadas, neste caso BASF, en vender os seus “stocks” de pesticidas que nuns meses só poderá colocar en países do chamado “Terceiro Mundo”, acto que tamén denunciamos.

Polo anteriormente expresado amosamos o noso firme rexeitamento a este intento de fumigación e manifestamos que: Se a Consellaría de Medio Rural segue a avalar as esixencias da industria da celulosa e da industria química, e opta por non parar as fumigacións aéreas con agrotóxicos estará avalando a fumigación masiva da cidadanía galega, da flora e da fauna, e sobre todo levando por diante a nosa soberanía alimentar co exterminio das abellas. Todo isto, para beneficiar, ostentiblemente, ás grandes industrias madeireiras e de produción de celulosa, a costa de comprometer o futuro e a supervivencia dos nosos sectores agrarios e gandeiros e da cidadanía en xeral.

Fronte esta visión da administración pública dos nosos montes tan lesiva para o país, como cidadáns negámonos a aceptar que o conxunto do territorio galego se converta na finca privada dunhas poucas industrias con licenza para esquilmar e contaminar ao seu antollo en beneficio único e exclusivo das súas contas bancarias.

A única solución a esta situación é a prohibición destes pesticidas e agrotóxicos, xa que se trata dun problema que atenta contra as abellas, o medioambiente, a biodiversidade e a saúde pública. Reclamamos por tanto das administracións a adopción de medidas urxentes tendentes a prohibir o uso destes produtos nas masas forestais e tamén na agricultura. Neste sentido, a producción agraria debe estar orientada cara modelos alternativos, máis sustentábeis e respectuosos co medio ambiente, como a produción agroecolóxica. Unha nova agricultura libre de agrotóxicos e transxénicos é necesaria para que as nosas abellas continúen a prestar un servizo natural, gratuíto e dun incalculable valor.

– Denunciamos que o principal responsabel da praga é o monocultivo de eucalipto que se estende por toda Galiza. Ademais de ser unha especie alóctona, este cultivo é un grave erro que converteu os nosos montes en “desertos verdes” causante dunha das grandes lacras do noso país, o lume. A única solución e outra política forestal baseada na multifuncionalidade e a diversidade produtiva do monte coa utilización doutras especies vexetais, que promovan un uso alternativo ou complementario, baseado na correcta ordenación dos nosos montes e do territorio para que formen parte da sociedade en xeral, e da veciñanza do rural. Isto bastaría para corrixir os erros cometidos ata o de agora o mesmo tempo que serven de alternativa o abandono do monte e a xeración de emprego.

– Pedimos que nestas medidas correctoras e de paralización das fumigacións se impliquen o resto das consellerías, que como Sanidade ou Medio Ambiente tamén teñen algo que dicir, xa que está en xogo a saúde pública e a nosa propia supervivencia.

Con todo o manifestado defendemos “A biodiversidade e a función produtora de alimentos do noso medio rural, que so se garante con prácticas agrícolas e forestais que sigan os principios da Agroecoloxía”.

Moitas grazas dende a Plataforma contra as Fumigacións

Xuízo contra as fumigacións en Arxentina

Un dos problemas que presenta a utilización de agroquímicos é o tempo que se precisa para que se detecten efectos negativos para a saúde de animais e humanos e é por isto que existe o principio de precaución, que non permitiría o uso dun produto mentres a súa inocuidade non estivese garantida.

Desde a patronal pasteira (ASPAPEL) e desde a Xunta non só non están respectando o principio de precaución, senón que están a promover e permitir a utilización dun producto cuxa toxicidade está demostrada por múltiples estudos e advertida na folla de seguridade do producto.

Non é difícil atopar na rede documentos (estudos, reportaxes, libros, novas,…) que relacionan a utilización de agroquímicos con diversas enfermidades ao longo de todo o mundo, especialmente naqueles lugares onde se ten implantado unha agricultura extensiva, relacionada moitas veces cos monocultivos e tamén con fertilizantes químicos, herbicidas, pesticidas, … e todo tipo de tecnoloxías agrícolas químicas.

Recentemente ven de iniciarse, en Arxentina, o primeiro xuízo penal en Latinoamérica contra produtores e fumigadores por contaminación con agroquímicos na provincia de Córdoba. Un dos argumentos da acusación é o aumento significativo de casos de cáncer e malformacións desde o comezo da utilización de certos químicos coma o glifosato, un dos herbicidas máis usados en todo o mundo e que non é difícil atopar en Galicia, utilizado tanto por grandes explotacións como por particulares nas súas hortas para autoconsumo.

Urxe poñer enriba da mesa o problema dos agroquímicos antes de que sexa tarde.

Máis información sobre o xuízo pola contaminación con agroquímicos:

Argentina, Córdoba. Barrio Ituzaingó Anexo: Comienza el juicio por contaminación con agroquímicos

Por Ximena Cabral (PRENSA RED)

En la Cámara 1ª del Crimen en Tribunales II, se inició el Primer Juicio Penal en Latinoamérica a Productores y Fumigadores por contaminación con agroquímicos en barrio Ituzaingó Anexo. Dos productores sojeros y un aeroaplicador enfrentan penas entre tres y diez años de prisión.

Después de más de diez años de lucha de las Madres de barrio Ituzaingó Anexo, se lleva a cabo en la provincia de Córdoba el primer juicio penal por fumigación. Dos productores y un aerofumigador de la zona tendrán que afrontar los cargos de delito penal de violación el artículo 55 de la Ley Nacional de Desechos Peligrosos (24.051). Sin embargo lo que el juicio abre es la posibilidad de sentar antecedente ante la expansión de la frontera sojera y el uso de agroquímicos como el glifosato y endosulfán en las fumigaciones.

Este juicio es el primero en América Latina en demandar por fumigación a productores, cuestión que mantiene en la mira el proceso judicial tanto a las organizaciones territoriales y en defensa del ambiente como a productores, laboratorios y otras empresas beneficiada por el modelo de agronegocios. Sigue lendo

Aparecen camionetas fumigadoras polos montes de Mazaricos

Grazas ao diario dixital da Costa da More Que pasa na costa soubemos que se viron camionetas da empresa portuguesa Floresta Bem Coidada polos montes de Mazaricos armados con canóns fumigadores. Pode ser un novo indicio de que as fumigacións están a comezar dunha maneira máis discreta ca prevista inicialmente dos helicópteros.

Agradecemos a este medio a súa achega deste documento gráfico e a difusión do problema das fumigacións que veñen realizando. Lembramos que aínda que Mazaricos non é un dos concellos que aparecen nos plans de fumigación que foron filtrados, estes sabemos que se quedan curtos desde o principio, xa que temos a proba de que por exemplo Melide non está neles pero aínda así foi un dos primeiros concellos onde se comezaron solicitar as autorizacións aos propietarios para realizar as fumigacións aéreas.

Furgonetas fumigadoras portuguesas en Mazaricos